Shotlandyqtardyń deni Ulybrıtanııanyń tutastyǵyna daýys berdi - Saýalnama qorytyndysy
ASTANA. QazAqparat - Shotlandııanyń táýelsizdigin qoldamaıtyndar qarsylastaryna qaraǵanda 6 paıyzǵa kóp. «Ipsos Mori» qyzmeti júrgizgen aldyn ala saýalnama nátıjesi osyny kórsetti, dep jazady ITAR-TASS.
Saýalnama nátıjesi búgin, elde referendým ótip jatqanda jarııalandy. Ony júrgizýge londondyq Evening Standard basylymy tapsyrys bergen. Aıta ketý kerek, «Ipsos Mori» kompanııasy saýalnamany 16-17 qyrkúıekte júrgizgen.
Ulybrıtanııanyń tutastyǵyn saýalnamaǵa qatysqan shotlandııalyqtardyń 53% qoldady. Al 47% Shotlandııanyń táýelsizdik alýyn jaqtaǵan. Paıyzdardy eseptegen kezde qalys qalǵan saýalnamaǵa qatysýshylardyń 4 paıyz daýysy esepke alynbady.
Al, áli de bir sheshimge kele almaǵan shotlandyqtar shamamen 10 paıyz. «Ipsos Mori» málimetterine qaraǵanda, Shotlandııanyń táýelsizdik alýyn qoldamaıtyndar, áli sheshim qabyldamaǵan otandastaryn óz qatarlaryna qosylýǵa kóndire alady.
Saýalnamaǵa 16 jastan asqan 991 Shotlandııa turǵyny qatysty.
