Shotlandyqtar jasaǵan kıiz úıdi Qazaqstan sheberleri synǵa aldy (FOTO)
ASTANA. QazAqparat - Shotlandııa eliniń dızaınerleri týrısterge arnalǵan kıiz úıdiń zamanaýı nusqasyn jasady. Qazaqstandyq sheberler bolsa, bul jańalyqty synǵa aldy, dep jazady «Ekspress-K».
«Jero» kıiz úıin jasap shyǵarýshylar ony jeńil quryp, bólshektep jınap alyp qana qoımaı, tasymaldaýǵa da ońaı ekenin aıtady: olar oılap tapqan kıiz úıdiń bólikteri aýyr emes. Kıiz úıdiń aýdany 12,5 sharshy metrdi quraıdy.
«Osyndaı kıiz úıdi is júzinde paıdalanbaı, nátıje týraly aıtý qıyn. Biraq, meniń oıymsha, shotlandtyqtar dóńgeleksiz velosıped jasaǵandaı boldy. Iá, kıizdiń ornyna fanera men brezentti qoldanýǵa bolady, biraq mundaı kıiz úı «tynys almaıdy». Jáne tek faneradan jasalǵan qabyrǵalar bizdiń tor tesik keregelerimizge qaraǵanda aýyr. Biraq Shotlandııada osyndaı buıymdarǵa degen suranys týyndasa, biz úshin oılanatyn jaıt eken», - deıdi kóp jyl boıy dástúrli kıiz úılerdi shyǵarýmen aınalysatyn otandyq kásipker Ulan Sádýaqasov. Sheberdiń pikirinshe, Qazaqstanda týrızmge arnalǵan shaǵyn kıiz úılerdiń óndirisin retke keltirýge bolady. Budan basqa, ol týrızmde bildeı «kıiz úı» óndirisi bar, biraq ol bizdiń elimizde óte baıaý damyp keledi. Bul shaǵyn páterdiń jobasyn Trakke jáne Uula Jero jasap, quralsyz qurǵan. Osyndaı kıiz úıdiń baǵasy - 4 500 fýnt sterlıng.
