Shotlandııadaǵy saılaýda Ulybrıtanııadan bólinýdi qoldaıtyn partııalar jeńiske jetti

NUR-SULTAN. QazAqparat – Breksıtten keıingi Shotlandııaǵy alǵashqy parlament saılaýynda Ulybrıtanııadan bólinýdi qoldaıtyn partııalar kópshilik daýysty jınady. Endi olar táýelsizdik týraly referendým jarııalap, Londonmen onyń zańdylyǵy týraly sottaspaq, dep habarlaıdy QazAqparat BBC-ge silteme jasap.

Shotlandııada 6 mamyrda bolǵan saılaý daýystaryn sanaý senbi kúni keshke aıaqtaldy. Eki separatıster partııasy – bıleýshi Shotlandııanyń ulttyq partııasy (ShUP) men jasyldar saýalnama ýáde etkennen az daýys jınady. Degenmen 129 mandattyń 72-sin aldy.

«Saılaý nátıjesi Edınbýrg pen Vestmınster táýelsizdik týraly ekinshi referendým týrasynda talqyny qaıta jandandyratynyna kepildik beredi», - dedi Scotsman shotlandyq gazetiniń sholýshysy.