Shotlandııada táýelsizdik referendýmy ótkizilýi múmkin
ASTANA. QazAqparat - Shotlandııanyń Ulybrıtanııa quramynan shyǵý-shyqpaýyn aıqyndaıtyn referendým ótkizilýi múmkin. Bul týraly Shotlandııanyń birinshi mınıstri Nıkola Stardjen málimdedi, dep habarlady 24.kz.
Onyń aıtýynsha, 23 maýsymdaǵy referendýmda shotlandyqtardyń 60%-y Koroldiktiń Eýroodaq quramynda qalýyn qalap daýys bergen. Sondyqtan referendým qorytyndysy mundaǵylardyń narazylyǵyn týdyrýda. Tipti jergilikti bılik Shotlandııanyń táýelsizdigi týraly referendým ótkizýge qajetti zań jobasyn ázirleýge kirisip te ketti. Esterińizge salaıyq, buǵan deıin Shotlandııanyń táýelsizdigi týraly referendým 2014 jyldyń 18 qyrkúıeginde ótken bolatyn. Biraq ol kezde turǵyndardyń 55%-y táýelsizdikti qalamaǵan edi.
