Shotlandııada Shekspırdiń alǵashqy pesalar jınaǵynyń kóshirmesi tabyldy
ASTANA. QazAqparat - Kóne jınaq dramatýrgtiń qaıtys bolǵanynan 400 jyl tolý qarsańynda tabyldy. Bul týraly Bı-Bı-Sı agenttigi habarlady.
Ýılıam Shekspırdiń 1623 jyly shyqqan birinshi jınaǵynyń (Alǵashqy folıo) kóshirmesin Oksford ýnıversıtetiniń mamandary Shotlandııanyń Bıýt aralynan tapty.
Jınaq 1916 jyly Shekspır qaıtys bolǵanan keıin jeti jyldan keıin shyqqan. Onda 36 pesa bar, onyń 18-i osy ýaqytqa deıin esh jerde jarııalanbaǵan.
Atap aıtqanda, kitapqa «Makbet», «On ekinshi tún», «ıÝlıı Tsezar», «Sizge qalaı unaımyn» jáne «Daýyl» pesalarynyń alǵashqy basylymdyq nusqasy engizilgen.
Birinshi betinde aǵylshyn graver-beıneleýshisi Martın Drýshaýttyń eńbegi - dramatýrgtiń belgili portreti ornalastyrylǵan.
«Alǵashqy Folıonyń» taralymy myń danadan aspaýy yqtımal. Búgingi kúnge deıin osy basylymnyń 230 kitaby saqtalǵan. Onyń 79-y Foldjer Shekspır kitaphanasynda saqtaýly.
