Shotlandııada ótken spıdkýbıng chempıonatynda qazaqstandyq ekinshi boldy

ASTANA. KAZINFORM — 16 jastaǵy qazaqstandyq oqýshy Álisher Qurmash Edınbýrgte ótken halyqaralyq jarysta ekinshi oryn aldy, dep habarlaıdy Kazinform tilshisi.

Kýbık rýbık quraýdan Edinburgh Winter 2024 chempıonatyn brıtandyq kýbıkter qaýymdastyǵy uıymdastyrdy. Álemniń 23 elinen kelgen 184 qatysýshy ártúrli baǵyt boıynsha eń jyldam degen ataqqa talasty.

Astanalyq Álisher Qurmash 3h3h3 Rýbık kýbıgin jyldam quraý saıysynda kúmis aldy. Birinshi jáne úshinshi oryndardy Ulybrıtanııa ókilderi Nıkolas Archer men Djeıkob Chembers ıelendi.

Buǵan deıin Álisher ótken jyldyń qarasha aıynda Shotlandııanyń Aberdın qalasynda ótken chempıonatta birinshi oryn alǵan bolatyn.