Shotlandııada oq ótpeıtin jıhaz shyǵaryldy
ASTANA. QazAqparat - Shotlandııadaǵy Osdin Shield fırmasy lańkestik jaǵdaıy úshin arnaıy shyǵarylǵan oq ótpeıtin jıhazyn usyndy, dep habarlaıdy Bı-Bı-Sı agenttigi.
Jıhaz jınaǵyna arnaıy bolat taqtasha bekitilgen kreslo men dıvandardan turady. Kompanııanyń baspasóz paraqshasynda «taqtasha baıqalmaıdy, ári jıhazdyń zamanaýı jáne sándik dızaınyn buzbaıtyny» aıtylǵan.
Óndirýshi bolat taqtashalar keń taralǵan tapansha oqtarynan, sondaı-aq Kalashnıkov avtomatynan qorǵaıtyna kepildik berip otyr.
Kompanııanyń boljaýynsha, lańkester qarýmen shabýyl jasap atys bolǵan kezde adamdar jıhazdyń artynda tyǵylyp, aman qalýyna múmkindik týady.
Kompanııa oq darytpaıtyn jıhazdyń lańkester shabýyl asaýǵa jıi tańdap alatyn meıramhana, qonaqúılerde ıe bolýy múmkin dep málimdedi.
