Shotlandııada memlekettik qyzmetshilerge tórt kúndik jumys aptasy engiziledi

BRıÝSSELЬ. QazAqparat – Shotlandııanyń birinshi mınıstri Hýmza ıÝsaf óńirdiń memlekettik sektorynda tórt kúndik jumys aptasyn engizýdi kózdep otyr, dep habarlaıdy QazAqparat tilshisi.

Jergilikti BAQ-tyń habarlaýynsha, birinshi mınıstr Shotlandııa úkimetiniń kelesi jylǵa arnalǵan baǵdarlamasy aıasynda tórt kúndik jumys aptasynyń pılottyq jobasyn jarııalaıdy.
Pılottyq joba shamamen 12 aıǵa sozylady jáne osy jyldyń sońynda bastalady dep kútilýde. Aımaq úkimeti basshysynyń bul josparyn Shotlandııadaǵy konservatorlar qatań synǵa aldy.
«Bizdiń ekonomıka Ulybrıtanııanyń qalǵan bóliginen artta qalyp, Ulttyq densaýlyq saqtaý qyzmetimiz «aıaqqa tura almaı» jatqan sátte, al keńesterdiń bıýdjeti únemi qysqartylyp jatqan kezde bul qısynsyz jospar júzege asady dep oılasa, Hýmza ıÝsaf qııal áleminde qalyqtap júr», - dedi Shotlandııanyń Konservatıvtik partııasy atynan saılanǵan depýtat Lız Smıt.
«Bul oryndalmaıtyn jospardy jalǵastyrý jyl saıyn Shotlandııa bıýdjetine 2,5 mlrd fýnt sterlıng shyǵyn ákeledi. Sondaı-aq memlekettik qyzmetterdi jabýymyz qajet nemese mektep, aýrýhana jáne tótenshe jaǵdaılar qyzmetterin tıisti deńgeıde júrgizý úshin qosymsha mıllıardtaǵan fýnt izdeý kerek bolady – osy eki joldyń birin tańdaýǵa týra keledi», - dep atap ótti ol.
Memlekettik qyzmetshilerdiń tórt kúndik jumys aptasyna kóshýi jeke sektor qyzmetkerleriniń de narazylyǵyn týdyrýy múmkin. Hýmza ıÝsýf turǵyndardyń aýqatty sanattary úshin tabys pen mýnıtsıpaldyq salyqtardy kóbeıtýdi kózdep otyr.
Aımaqta tórt kúndik jumys aptasyn engizý Shotlandııanyń burynǵy birinshi mınıstri Nıkola Sterdjenniń saılaý aldynda bergen ýádeleriniń biri bolatyn. Naýryz aıynyń sońynda onyń ornyna Hýmza ıÝsaf keldi.
2021 jyly Sterdjen óz qyzmetkerleri úshin «jumys pen jeke ómir arasynda balans» ornatqysy keletin kompanııalarǵa 10 mln fýnt sterlıng bóletinin aıtqan. Alty aılyq pılottyq jobaǵa 60-tan astam fırma qatysyp, jumysshylarǵa sol jalaqyǵa bes kúnniń ornyna tórt kún jumys isteýge múmkindik berdi.
Kompanııalardyń kópshiligi osy tájirıbe aıaqtalǵannan keıin de 4 kúndik jumysty jalǵastyrǵysy keletinin bildirgen. Al olardyń qyzmetkerleri kúızelis pen alańdaýshylyq azaıǵanyn atap ótti.
Buǵan deıin habarlaǵanymyzdaı, Germanııa da tórt kúndik jumys aptasyn synaqtan ótkizýde.