Shotlandııada belgisiz bireýdiń shabýylynan úsh adam mert boldy
KILMARNOK. QazAqparat – Shotlandııanyń Kılmarnok qalasynda belgisiz bireýdiń jasaǵan shabýyly saldarynan úsh adam qaza tapty, dep habarlaıdy QazAqparat VVS-ge silteme jasap.
Polıtsııanyń habarlaýynsha, 4 aqpanda 39 jastaǵy áıelge Kılmarnoktaǵy Crosshouse aýrýhanasynyń avtoturaǵynda shabýyl jasalǵan. 24 jastaǵy ekinshi áıel Portlend-strıtte aýyr jaralanyp, uzamaı kóz jumdy. Keıinnen qala shetindegi jol-kólik oqıǵasynyń saldarynan 40 jastaǵy er adam mert bolǵan.
Quqyq qorǵaý organdarynyń qyzmetkerleri málim etkendeı, júrgizilgen tergeýler oqıǵalardyń bir-birimen baılanysty ekenin kórsetti. Qylmysker sýyq qarýdy qoldanyp, qalanyń ártúrli bólikterinde adamdarǵa shabýyl jasaǵan. Qazirgi ýaqytta turǵyndarǵa qaýip tónip turǵan joq.
«Ofıtserler tergeý amaldaryn jalǵastyryp jatqandyqtan, birqatar eldi mekender qorshaýǵa alyndy. Biz oqıǵanyń mán-jaıyn tolyq rastaý úshin jumys istep jatyrmyz», — dedi polıtsııa bastyǵy Sýpt Farok Hýsseın.
