Shotlandııada álemdegi eń kúshti syra qaınatyldy
ASTANA. Qarashanyń 30-y. QazAqparat - Shotlandııanyń syra qaınatatyn BrewDog shaǵyn zaýyty álemdegi eń kúshti syrany qaınatty,
dep habarlaıdy QazAqparat Lenta. Rý saıtyna silteme jasap.
«Taktıkalyq ıadrolyq pıngvın» (Tactical Nuclear Penguin) dep atalatyn ishimdiktiń kúshtiligi 32 paıyzdy quraıdy.
Kólemi 0,33 lıtr bolatyn jańa syranyń ázirge 500 shólmegi qaınatyldy. Bir shólmektiń baǵasy - 30 fýnt sterlıng (50 AQSh dollary).
Syranyń ataýy onyń ázirlený tehnologııasyna baılanysty shyqqan. Alǵashqy partııanyń óndirisi balmuzdaq óndiretin jergilikti fabrıkada júrgizildi. Onda sý muzdatý arqyly alkogolden bólinedi, nátıjesinde onyń kontsentratsııasy arta túsedi. Odan keıin syra vıskıge arnalǵan bóshkelerde bir jarym jyl boıy saqtalady.
Syranyń kúshtiligi boıynsha buǵan deıingi rekord nemistiń Schorschbraeu markasyna tıesili boldy (31 paıyz).
