Shotlandııa jaǵalaýynda qubyjyq akýla ustaldy
ASTANA. QazAqparat - Entýzıast bıologtar toby Shotlandııa jaǵalaýyndaǵy sýlardy mekendeıtin akýla túrleriniń sanyn esepteý jobasyn iske asyrý aıasynda jyrtqysh balyqtyń sırek kezdesetin túrin ustaı aldy.
Ǵalymdar aýyna Pseudotrakias microdon tústi. Ol sondaı-aq «Alabuǵa tárizdes akýla» retinde de belgili. Sońǵy bir jarym jyldyqtyń ishinde bul brıtan sýlarynda ustalǵan ekinshi darasy ǵana. Eskpedıtsııaǵa qatysqan Frensıs Nıt BAQ ókilderine bortta erekshe «mysyq akýlanyń» paıda bolýy barlyq áriptesterin erekshe tańǵaldyrǵanyn aıtty.
Ustalǵan akýla jedel túrde zerttelip, denesi ólshenip, qaıta jiberildi. Daranyń uzyndyǵy shamamen úsh metr, al salmaǵy - 60 keli. Foto: Facebook Scottish Shark Tagging Programme
