Shotlandııa Ulybrıtanııadan bólek otaý tikpek
ASTANA. QazAqparat - Shotlandııada óńirdegi bıleýshi saıası qozǵalys bolyp sanalatyn ulttyq partııanyń sezi ótti, dep habarlady sheteldik BAQ.
«Rossııa 24» telearnasynyń habarlaýynsha, atalǵan partııanyń kóshbasshylary resmı Londonnan Birikken Koroldikten bólinýge qatysty referendým ótkizýge ruqsat alǵan. Daýys berý sharasy aǵymdaǵy jyldyń qyrkúıek aıyna belgilenip otyr.
Kezdesýge qatysýshylar aldynda sóz sóılegen Shotlandııanyń birinshi mınıstri Aleks Salmond jaqtastary men qarapaıym adamdardy «durys daýys berýge» shaqyrdy.
«Referendým tek maǵan ne bolmasa bizdiń partııaǵa ǵana qajet emes. Ol Shotlandııanyń óz bolashaǵyn qolyna alýy úshin qajet. Demek, qyrkúıektegi daýys berý - bul Shotlandııa halqy tańdaǵan eldegi bılikke qoldaý bildirý. Bul bizderdiń salyq, ekonomıka, áleýmettik qaýipsizdik, jumyspen qamtý, kóshi-qon, munaı men gaz, Eýropadaǵy saıasat jáne basqa da máselelerdi óz erkimizden sheshý úshin kerek», - dedi Aleks Salmond.
