Shotlandııa astanasynda balalar kıiz úıde oqytylady
ASTANA. 28 mamyr. QazAqparat - Taıaý ýaqyttan beri Edınbýrgtiń balalarǵa bilim berý ortalyqtarynyń birinde oqytýdyń biregeı ádistemesi qoldanylýda.
Mundaǵy oqýshylardyń sýret salyp, án aıtyp, basqa da tásildermen ózderiniń shyǵarmashylyq áleýetterin keńinen tanytýǵa múmkindik beretin óz kıiz úıleri paıda boldy, - dep habarlaıdy BNews.kz «Ekspress-K» basylymyna silteme jasap.
Cowgate Under 5s bilim berý ortalyǵyndaǵy ortaazııalyq kıiz úı - barlyq Edınbýrgte alǵash tigilip otyr. Shaterge 12-den 16 balaǵa deıin sııady. Jańalyqqa balalar ǵana emes, pedagogtardyń ózderi de rıza bolyp, tańdanystaryn jasyrmaıdy.
«Kıiz úıdiń balalardyń jeke keńistigin qamtamasyz etýde mańyzy zor. Bizdiń oıymyzsha, balalar birige alatyn orynnyń bolǵany qajet. Úlken adamdar kıiz úıdiń ishine tek balalardyń ózderi shaqyrsa ǵana, kire alady. Kıiz úıdiń ishine balalar otyratyn qalyń kórpeler tóselgen, tamaq daıyndaıtyn shaǵyn ottyq shilterleri bar. Bul shynynda da keremet oryn!», - dep bólisti oıyn Cowgate Under 5s ortalyǵynyń basshysy Lınn MakNeır.
