Shotlandııa 2014 jyly Ulybrıtanııadan enshisin alýy múmkin
ASTANA. 17 qazan. QazAqparat - Ulybrıtanııa men Shotlandııa basshylary 2014 jyly referendým ótkizý týraly kelisimge qol qoıdy, onda shotlandtyq aýmaqtyń Birikken koroldikten táýelsizdigi máselesi sheshiletin bolady.
Bul týraly «Velıkaıa epoha» saıty habarlady. «Edınbýrg» kelisim dep atalatyn qujatqa 2012 jylǵy 15 qazanda qol qoıyldy.
Referendýmda shotlandtyqtardyń Ulybrıtanııadan tolyq táýelsizdik alýy úshin daýys berýge múmkindigi bolmaq. «Iá» nemese «joq» degen bir ǵana suraqqa jaýap berý qajet. Daýys berýge eresek adamdarmen qatar Shotlandııanyń bólinýin jaqtaıtyn 16-17-lerdegi jastar da qatysa alady.
Referendým 2014 jylǵa belgilenip otyr. Bul oqıǵa Bennokberndegi urystyń 700 jyldyǵyna oraılastyrylyp otyr. Bul soǵys Shotlandııanyń azat etilýi jolyndaǵy kúrestiń sheshýshi shaıqasy bolǵan edi. Bul urysta Anglııa alǵash ret eleýli jeńilis taýyp, Shotlandııanyń táýelsizdigin nyǵaıtýǵa negiz qalandy.
Referendýmǵa Shotland ulttyq partııasy bastamashy boldy. Bul partııa Shotlandııanyń Birikken Koroldikten táýelsizdik alýy úshin 80 jylǵa jýyq ýaqyttan beri kúresip keledi. Osyndaı urandarynyń arqasynda ótken jyly ulttyq partııa jergilikti parlamentte kópshilik daýysqa ıe bolǵan edi.
