Shoshqa tumaýy 420-dan astam adamnyń ómirin jalmady
ASTANA. QazAqparat - Jyl basynan beri Meksıkada tumaý saldarynan 421 adam kóz jumdy, dep habarlady latynamerıkalyq eldiń densaýlyq saqtaý mınıstrliginen.
Qazirgi ýaqytta tumaýǵa shaldyqqandardyń sany 3,7 myń adamǵa jetip otyr. Adamdardyń basym bóligi, naqty aıtqanda 390-y shtammy A/H1N1 shoshqa tumaýynan qaıtys bolǵan.
Aıta keteıik, 2009 jyldyń sáýirinde Meksıkada shoshqa tumaýynyń alǵashqy derekteri tirkelgen bolatyn. Bastapqyda bul tumaý tek shoshqalardyń arasynda ǵana kezdesse, keıinnen onyń alǵashqy belgileri adamdarda da biline bastady. Sodan keıin qysqa merzim ishinde eldegi A/H1N1 tumaýyna shaldyqqandardyń sany kúrt artyp ketken edi.
