Shorttrekshi Denıs Nıkısha álem chempıonatynyń eki márte kúmis júldegeri atandy
ASTANA. KAZINFORM — Beıjiń qalasynda short-trekten ótip jatqan álem chempıonatynda qazaqstandyq Denıs Nıkısha kúmis júldeger atandy.
A fınalynda 500 metr qashyqtyqta barlyǵy 5 sportshy júlde úshin jarys jolyna shyqty.
Beıjiń olımpıadasynyń kúmis jáne qola júldegeri, kanadalyq Stıven Dıýbýa birden alǵa ketti. Ol 40.008 sekýnd nátıjemen chempıon atandy.
Denıs Nıkısha (40.096) máre syzyǵyn ekinshi bolyp qıdy. Qazaqstandyq shorttrekshi (41.676) ótken jylǵy nátıjesin edáýir jaqsartty.
Nıderlandylyq Iens Van’t Vaýt (40.163) úzdik úshtikti túıindedi.
Bul — D. Nıkıshanyń álem chempıonatyndaǵy ekinshi kúmis medali. Ol ótken jyly Rotterdamda da ekinshi orynǵa ıe bolǵan edi.
Eske sala keteıik, budan buryn Denıs Nıkıshanyń short-trekten álem chempıonatynyń kúmis júldegeri atanǵanyn jazǵan bolatynbyz.
Sondaı-aq short-trekten álem chempıonatynda Denıs Nıkısha fınalǵa shyqty.