Shortandynyń 8 turǵynyna salmonellez juqtyrdy degen kúdik keltirilip otyr
ASTANA. QazAqparat - Shortandy eldi mekeniniń 8 turǵyny aýyrlyǵy ortasha deńgeıli salmonellez kúdigimen aýrýhanaǵa jatqyzyldy. Bul jaıynda Astana qalalyq densaýlyq saqtaý basqarmasynan málim etti, dep habarlaıdy QazAqparat.
Vedomstvo málimetinshe, naýryzdyń 8-10 kúnderi Astana qalalyq ınfektsııalyq aýrýhanasyna Aqmola oblysyna qarasty Shortandy eldi mekeniniń 11 turǵyny ótkir ishek ınfektsııasy kúdigimen júgingen.
«Qalalyq ınfektsııalyq aýrýhana mamandarynyń tekserýinen keıin 8 adam aýyrlyǵy ortasha deńgeıli salmonellezben aýyrdy degen kúdikpen aýrýhanaǵa jatqyzyldy. 12 naýryz kúngi málimetterge sáıkes patsıentterdiń jaǵdaıy turaqty, nasharlaǵan joq», - dedi basqarmadan.
Foto: cdn.gobankingrates.com
