Shortandyda jańa dıirmen kesheni salynýda - Aqmola oblysy
KÓKShETAÝ. QazAqparat - Aqmola oblysynyń Shortandy aýdanynda táýligine 200 tonna un shyǵaratyn dıirmen kesheni salynýda, dep habarlaıdy «QazAqparat» HAA tilshisi.
Jobany «Agromaks Astana» JShS qolǵa alyp otyr. Onyń quny 750 mıllıon teńgeni quraıdy. Qazirgi kezde, ǵımarattyń qabyrǵalary turǵyzylyp, montajdaý, qoımanyń qurylysy jumystary júrgizilýde. Keshende un men kebek óndirilip, saýdaǵa shyǵarylmaqshy.
«Keshen óz jumysyn ústimizdegi jyldyń maýsym aıynan bastaıdy. Sol kezde táýligine 200 tonna ónim shyǵarylatyn bolady. Búgingi tańda daıyn ónimdi Ózbekstan Respýblıkasynyń naryǵyna shyǵarý úshin aldyn ala kelisimshart jasalynǵan», - deıdi seriktestik dırektory Dılıaver Kasımov.
Sonymen qatar, aýdanda Indýstrıalandyrý kartasy aıasynda 2016 jyly eki nysan iske qosylyp otyr. Onyń biri quny 1 mıllıard teńgeni quraıtyn tabıǵı tas jáne mramor óńdeıtin «Turan Indastry» JShS-y bolsa, ekinshisi «Belaıa Lıllııa» JShS-nyń qaz fermasy.
