Shortandyda gaz jarylysynan kóz jumǵan bala Qazaqstan chempıony bolǵan

KÓKShETAÝ. QazAqparat - Aqmola oblysynyń Shortandy kentinde gaz ballony jarylysynan zardap shegip aýrýhanada kóz jumǵan 12 jasar bala mýaıtaıdan Qazaqstan Respýblıkasynyń chempıony bolǵan. Bul týraly oblystyq Dene shynyqtyrý jáne sport basqarmasynyń baspasóz qyzmetinen málimet etti, dep habarlaıdy QazAqparat tilshisi.

«Mýaı̆taı̆dan balalar arasyndaǵy Qazaqstan Respýblıkasynyń chempıony 12 jasar Jarqynbek Orazalynyń mezgilsiz qaı̆tys bolýyna baı̆lanysty týǵan-týystaryna qaı̆ǵyryp kóńil aı̆tamyz», -delingen vedomstvonyń áleýmettik jelidegi paraqshasynda.

Aıta keteıik, 16 qarasha kúni Aqmola oblysynyń Shortandy kentinde gaz ballony jarylyp, 3 adam kóz jumdy, taǵy on adam aýrýhanaǵa tústi. Oqıǵa túngi saǵat 22:00 shamasynda Shortandy kentinde Lıneınaıa kóshesi, 28 mekenjaıy boıynsha ornalasqan úsh páterli turǵyn úıde boldy. Gaz ballonynyń jarylýy saldarynan 3 páterli jeke úı órtenip, onyń bir bóligi qulady.

Gaz ballonynyń jarylýyna órt qaýipsizdigi erejesiniń saqtalmaýy sebep bolǵan.

Aýrýhanaǵa túskenderdiń arasynda denesiniń 70 paıyzyn termııalyq kúıik shalǵan 12 jastaǵy er bala qarashanyń 20-da kóz jumǵan bolatyn.

Zardap shekkenderge kómek kórsetý shtaby quryldy.