Shortandy kentinde balalar oıyn alańy ashyldy – Aqmola oblysy

KÓKShETAÝ. QazAqparat - El Táýelsizdiginiń 30 jyldyǵyna oraı Shortandy kentinde balalar oıyn alańynyń ashylýy ótti, dep habarlaıdy QazAqparat tilshisi Aqmola oblystyq ishki saıasat basqarmasyna silteme jasap.

Nysannyń ashylý saltanatyna qatysqan Shortandy aýdanynyń ákimi Ǵaıdar Qasenov jergilikti atqarýshy organdardyń negizgi mindetteriniń biri óskeleń urpaqqa qamqorlyq jasaý bolyp tabylatynyn atap ótti.

«Búginde aýdanda turǵyndardyń jaıly turýy úshin barlyq qajetti jaǵdaılar jasalýda. Barlyq aýyldyq okrýgter men kentterde ınfraqurylymdy jaqsartý boıynsha úlken jumystar júrgizilýde. Aýdan ortalyǵynda, Damsa, Naýchnyı, Bozaıǵyr, Novokýbanka aýyldarynda bıyl balalar alańdary paıdalanýǵa berildi», - dedi Ǵaıdar Qasenov.

Aýdan ákimdiginen atap ótkendeı, 7000-ǵa jýyq adam turatyn Shortandy kentinde tamyz aıynyń sońyna deıin taǵy bir balalar oıyn alańyn ashý josparlanyp otyr. Mereıtoı jyly oblystyń aýdandary men qalalarynda 20-ǵa jýyq ınfraqurylymdyq, ındýstrııalyq jáne áleýmettik-mádenı nysandar paıdalanýǵa berildi. Osy jyldyń sońyna deıin taǵy 60 nysandy ashý josparlanǵan.