Shortandy aýdanynda jańa júzý basseıni ashylady
KÓKShETAÝ. QazAqparat- Aqmola oblysynyń Shortandy aýdanynda jańa júzý basseıni ashylady. Bul týraly búgin aımaq basshysy Sergeı Kýlagınniń aýdanǵa jumys sapary barysynda aıtyldy, dep habarlaıdy «QazAqparat» HAA tilshisi.
Quny 345 mıllıon teńgeni quraıtyn basseınniń qurylysy osydan eki jyl buryn qolǵa alynǵan bolatyn. Qazirgi kezde, qurylys jumystary tolyǵymen aıaqtalyp, iske qosý aldyndaǵy daıyndyq jumystary júrgizilýde. Basseınniń aýdany 25×11 metr, tereńdigi - 1,4 metr. Nysanda ýqalaý, dəriger jəne dýsh bólmeleri men trenajer zaly bar. Sonymen qatar, múmkindigi shekteýli jandardyń da basseınge kelip, sýda júzýlerine barlyq jaǵdaı jasalynǵan. 
Osy rette, aımaq basshysy Sergeı Kýlagın qańtardyń sońyna deıin nysandy paıdalanýǵa berýdi tapsyrdy.
Basseınniń ashylýy óńirde sýda júzý sportynyń damýyna septigin tıgizbek. Búginde aýdanda salaýatty ómir saltyn ustanatyndar sany 7,5 myńnan asyp túsedi. 
Aýdanda 79 sport nysany jumys isteıdi, onyń ishinde 4 hokkeı korty, 46 fýtbol alańy men 28 sportzal bar. Qysqy jáne jazǵy spartakıadalar aıasynda aýdandyq dene shynyqtyrý bólimi sporttyń 25 túri boıynsha saıystar ótkizedi. 
