Shortandy aýdanynda órtten bir adam mert boldy
KÓKShETAÝ. Jeltoqsannyń 31-i. QazAqparat /Janmurat Janaıdarov/ - Aqmola oblysyna qarasty Shortandy aýdany aýmaǵyndaǵy Naýchnyı kentinde ótken túngi saǵat birjarym kezinde turǵyn úı órt qushaǵynda qalyp, bir adam mert boldy,
dep habarlaıdy QazAqparat tilshisi oblystyq tótenshe jaǵdaılar departamenti baspasóz qyzmetine silteme jasap.
Tilsiz jaý úıdiń tóbesi men edenin, jıhazdar men tósek- oryndardy jalmap ketken. Janǵan qoqys arasynan 1934- jylǵy áıeldiń órtengen máıiti tabylǵan. Qazir quzyrly organ qyzmetkerleri órttiń sebep-saldary men keltirilgen zııan mólsherin anyqtaýda.
