Shortandy aýdanynda 13 kólik jol apatyna ushyrap, eki adam mert boldy
KÓKShETAÝ. Naýryzdyń 29-y. QazAqparat /Janmurat Janaıdarov/ - Keshe Aqmola oblysyna qarasty Shortandy aýdany aýmaǵyndaǵy Astana-Býrabaı avtobanda 13 kólik jol apatyna ushyrap,
alty adam dene jaraqatyn alyp, ekeýi mert boldy, dep habarlaıdy QazAqparat tilshisi oblystyq jol polıtsııasy basqarmasynyń derekterine silteme jasap.
Respýblıkamyzdyń basty jolyndaǵy mundaı apatty jaǵdaı birinshi ret tirkelip otyr. Ol aýa raıynyń kúrt ózgerip, bet qaratpas qarly boran saldarynan oryn alǵan kórinedi. Jaısyz habar jetisimen jol polıtsııasy, tótenshe jaǵdaılar, medıtsınalyq qyzmetter tıisti kómek qolyn usynyp, ıin tiresken kólikter qozǵalysyn qamtamasy etken. Jol ústinde soqtyǵysqan kólikter Astanadan, Aqmola, Qostanaı oblystary aýdandarynan shyqqan jolaýshylar kórinedi. Qazir apatty jaǵdaıdyń jaı-japsary anyqtalý ústinde.
Jalpy oblys aýmaǵynda jyl basynan beri 51 jol kólik oqıǵasy tirkelip, onda 18 adam dúnıeden ozyp, 16-sy ártúrli dene jaraqattaryn alǵan.
