Short-trekten jasóspirimder arasyndaǵy 2027 jylǵy álem chempıonaty Qazaqstanda ótedi

ASTANA. KAZINFORM — Bul jańalyq Týrızm jáne sport mınıstri Erbol Myrzabosynov Astanaǵa jumys saparymen kelgen Halyqaralyq konkıshiler odaǵynyń (ISU) konkımen júgirý sporty jónindegi dırektory Hýgo Herrnhofpen kezdesýinde belgili boldy.

Erbol Myrzabosynov pen Hýgo Herrnhof Qazaqstandaǵy konkımen júgirý sporty men short-trektiń qazirgi damý deńgeıin, ISU-pen yntymaqtastyqty odan ári nyǵaıtý sharalaryn, sondaı-aq 2026 jyly Mılanda ótetin qysqy Olımpııa oıyndaryna daıyndyq barysyn talqylady.

Mınıstr short-trektiń Qazaqstanda josparly ári júıeli damyp jatqanyn atap ótti.

Aıta keteıik, bıyl Qazaqstan quramasy qysqy Azııa oıyndarynda tarıhı altyn medal jeńip aldy.

Bıyl elimizde jasóspirimder arasyndaǵy álem kýbogynyń eki kezeńin ótkizý senip tapsyryldy. Bul — elimizdiń joǵary uıymdastyrýshylyq deńgeıin jáne halyqaralyq arenadaǵy róliniń artyp kele jatqanyn kórsetedi.

2027 jyly Qazaqstanǵa jasóspirimder arasyndaǵy short-trekten álem chempıonatyn ótkizý mártebesi berildi.

Eske salsaq, Qazaqstan short-trekten jasóspirimder arasyndaǵy álem kýbogy kezeńinde top jardy.