Short-trekten QR Quramasy álem kýbogi kezeńiniń fınalyna ótti
ASTANA. QazAqparat – Short-trekten Qazaqstannyń erler quramasy Kanadanyń Monreal qalasynda ótip jatqan Álem kýbogi kezeńiniń fınalyna shyqty, dep habarlaıdy QazAqparat Ulttyq olımpıada komıtetine silteme jasap.
Qazaqstandyq sportshylar 5000 metrge estafetanyń sheshýshi aınalymyna ótti.
Birinshi jartylaı fınalda sportshylarymyz ekinshi nátıje kórsetti. Bul kórsetkish olarǵa medal úshin talas jolynda qalýǵa múmkindik berdi. Sebebi aqtyq saıysqa ½ fınaldyń árbir aınalymynan alǵashqy eki qurama komanda ótti.
Medal úshin talasta Qazaqstannyń qarsylasy Italııa, Kanada jáne Ońtústik Koreıa bolady.
28 qazanda Monrealda short-trekten Álem kýboginiń alǵashqy kezeńi bastalatynyn buǵan deıin jazǵan bolatynbyz. Bul kezeńde tek Qazaqstan erler quramasy synǵa túsip jatyr. Áıelder quramasy Solt-Leık-Sıtı qalasy qabyldaıtyn 2-kezeńge qatysady.
Foto: olympic.kz
