Short-trekten qysqy Olımpıadaǵa qatysatyn Qazaqstan ulttyq quramasy belgili boldy
ASTANA. KAZINFORM — Olımpıada lıtsenzııasyn ıelengen sportshylardyń esimderi bıylǵy 9 qazan men 30 qarasha aralyǵynda ótken short-trekten Álemdik týrdyń qorytyndysy boıynsha anyqtaldy. Bul týraly Týrızm jáne sport mınıstrliginiń baspasóz qyzmeti habarlady.
Mınıstrlik málim etkendeı, nátıjesinde Qazaqstan quramasy 9 Olımpıada lıtsenzııasyn jeńip aldy.
Bas bapker Petr Gamıdov pen ulttyq qurama bapkerler shtabynyń sheshimimen 2026 jylǵy qysqy Olımpıadada el namysyn Denıs Nıkısha, Abzal Ájiǵalıev, Olga Tıhonova jáne ıAna Han qorǵaıdy.
Lıtsenzııa boıynsha aqparat:
2000 m (mıkst) — 1 lıtsenzııa
Erler:
500 m — 2 lıtsenzııa
1000 m — 1 lıtsenzııa
Áıelder:
500 m — 2 lıtsenzııa
1000 m — 1 lıtsenzııa
1500 m — 2 lıtsenzııa
Aıta keteıik, buǵan deıin mánerlep syrǵanaýshylar Mıhaıl Shaıdorov pen Sofıa Samodelkına álem chempıonatynda olımpıadalyq normatıvti oryndap, eki lıtsenzııa jeńip alǵan edi. Osylaısha, Olımpıadaǵa qatysatyn sportshylar sany 6-ǵa jetip, el qorjynyna jalpy 11 lıtsenzııa tústi. Olımpıada joldamalarynyń naqty sany 2026 jylǵy qańtardyń sońynda belgili bolady. XXV qysqy Olımpııa oıyndary 2026 jylǵy 6-22 aqpan kúnderi Mılan men Kortına-d’Ampetstso qalalarynda ótedi. Oǵan 93 elden 3 500-den astam sportshy qatysady.
Budan buryn Halyqaralyq Olımpıada komıteti 2026 jylǵy qysqy Olımpıada oıyndary kezinde kelisilgen matchtardy boldyrmaý úshin Adaldyqty qamtamasyz etý bóliminiń qurylǵanyn jarııalady.