Short-trekten Qazaqstan quramasy músheleri Gollandııadan sálem joldady
ORAL. QazAqparat - Short-trekten Qazaqstan ulttyq quramasynyń músheleri Abzal Ájiǵalıev pen Nurbergen Jumaǵazıev Qazaqstan halqy men Aq Jaıyq jurtshylyǵyn Alǵys aıtý kúnimen quttyqtady, dep habarlaıdy «QazAqparat» HAA tilshisi.
Qazirgi kezde Gollandııada álem chempıonatyna daıyndalyp jatqan, Batys Qazaqstannan túlep ushqan Abzal men Nurbergen Almatyda ótken HHVІІІ qysqy ýnıversıada kezinde ózderin qoldaǵany úshin barsha aǵaıynǵa rızashylyqtaryn jetkizdi. «Sizderdiń qoldaýlaryńyz úshin alǵysymyzdy aıtamyz. Aldaǵy ýaqytta da el namysyn abyroımen qorǵap, Qazaqstan týyn bıikte jelbiretý úshin barymyzdy salatyn bolamyz», dedi olar «QazAqparat» tilshisine.
N.Jumaǵazıevtiń sózine qaraǵanda, ózimen qosa Abzal, Aıdar Bekjanov, Denıs Nıkısha jáne qyzdardan Anastasııa Krestova Herenven qalasynda jattyǵýda. Short-trekten álem chempıonaty ótetin Rotterdamǵa 6 naýryz kúni barmaq.
Aıta keteıik, short-trekten álem birinshiligi 10-12 naýryzda ótedi. Mádiǵalı Qarsybekov bastaǵan mamandar jattyqtyratyn Qazaqstannyń negizgi quramasy osy dúnıejúzilik dodaǵa tyńǵylyqty ázirlený maqsatynda Sapporoda ótken qysqy Azııa oıyndaryna barǵan joq. Sońǵy kezde qazaqstandyq short-trekshiler júldege jıi iligip, mamandardyń nazaryn aýdarǵany belgili. Sonyń ishinde ótken jyly áýeli Abzal Ájiǵalıev, sodan keıin Nurbergen Jumaǵazıev álem kýbogy kezeńderinde top jarǵan bolatyn.
