23:40, 16 Aqpan 2025 | GMT +5
Short-trekten Qazaqstan quramasy álemdik týr kezeńinde úzdik úshtikten kórindi
ASTANA. KAZINFORM — Italııanyń Mılan qalasynda short-trekten álemdik týr kezeńinde Qazaqstan erler quramasy qola medal jeńip aldy.
Qazaqstandyqtar 5 myń metrlik estafetada úzdik úshtikten kórindi.
El namysyn Denıs Nıkısha, Mersaıd Jaqsybaev, Gleb Ivchenko, Ádil Ǵalıahmetov qorǵady.
Italııa quramasy úzdik ýaqyt nátıjesimen (6:42.85) jeńimpaz atansa, Kanada (6:42.90) kúmis júldege ıe boldy.
Qazaqstandyqtar (6:46.08) qola júlde úshin tartysta Qytaıdy (6:55.21) artqa tastady.
Eske sala keteıik, budan buryn Qazaqstan quramasy short-trekten qysqy Azııa oıyndarynyń chempıony atanǵanyn jazǵan bolatynbyz.