Short-trekten erler men áıelder júgirisinen Ońtústik Koreıa sportshylary jeńiske jetti - Azıada
ASTANA. 31 qańtar. QazAqparat /Gúlmıra Álıakparova/ - 7-qysqy Azııa oıyndary aıasynda Ońtústik Koreıanyń short-trekshileri 1500 metr qashyqtyqqa erler men áıelder júgirisinen jeńiske jetti. Jarystar búgin Astanadaǵy Respýblıkalyq velotrekte ótti.
Erler arasynda atalmysh qashyqtyqty 2 mınýt 18,998 sekýndta júrip ótken No Djınkıý (Noh Jinkyu) jeńiske jetse, ekinshi oryndy onyń otandasy Ým Chhynho (Um Cheonho), úshinshi oryndy qytaılyq sportshy - Lıý Sıanveı (Liu Xianwei) ıelendi.
Áıelder arasynda qos jeńis te osy eldiń ókilderine buıyrdy. Altyn medaldi Cho A Lı (Sho Ha Ri), al kúmis medaldi - Pak Synkhı (Park Seunghi) qanjyǵasyna baılady. Jarystardyń qola medal júldegeri Japonııanyń sportshysy - Sakýraı Bıba (Sakurai Biba).
