Short-trekten BQO quramasy el chempıonatynda sátti óner kórsetti
ORAL. QazAqparat - Short-trekten BQO quramasy Astana qalasynda erler men áıelder arasynda márege jetken el chempıonatynda sátti óner kórsetti, dep habarlaıdy «QazAqparat» HAA tilshisi.
BQO dene shynyqtyrý jáne sport basqarmasynan túsken málimetke qaraǵanda, 1500 metr qashyqtyqta Nurtilek Qajyǵalı men Ádil Ǵalıahmetov ekinshi oryndy enshiledi. Sondaı-aq 500 metr qashyqtyqta Á.Ǵalıahmetov pen Anıta Nagaı ekinshi, N.Qajyǵalı úshinshi orynǵa kóterildi. 1000 metrden Nurtilek Qajyǵalı el chempıony atansa, Á.Ǵalıahmetov kúmis júldeni ıelendi. 3 myń metrlik sýperfınalda N.Qajyǵalı ekinshi, Á.Ǵalıahmetov úshinshi orynǵa ıe boldy. Quramynda A.Nagaı, G.Ǵanıeva, N.Jumaǵalıeva, Ǵ.Jumaǵazıeva bar BQO áıelder komandasy 3 myń metrlik estafetalyq jarysta máre syzyǵyn ekinshi bolyp qısa, erler (N.Qajyǵalıev, Á.Ǵalıahmetov, Á.Qyrymgereev, V.Hodov, T.Meńdihan) 5 myń metrlik dodada úzdik úshtikti túıindedi.
Eske sala keteıik, negizin batysqazaqstandyqtar quraıtyn short-trekten Qazaqstannyń erler quramasy 2016-2017 jylǵy maýsymda álem kýbogy kezeńderinde tabysty óner kórsete bildi. Endi qazaqstandyq short-trekshiler aldaǵy jyly Ońtústik Koreıanyń Phenchhan qalasynda ótetin Olımpıada oıyndaryna joldama alý úshin daıyndalatyn bolady.
