Short-trekten aralas estafeta Olımpıada baǵdarlamasyna endi
QR UOK málim etkendeı, HOK 2022 jyly Beıjińde ótetin Olımpıada oıyndarynyń qataryna short-trekten jańa qashyqtyqtyń enetinin habarlaǵan.
«Halyqaralyq konkımen júgirý federatsııasynyń (ISU) prezıdenti ıAn Daıkema da muny rastap, bıylǵy Álem Kýboktarynyń kezeńinde aralas estafetadan júlde taratylatynyn málimdedi», - dep kórsetilgen habarlamada. Osy oraıda, short-trekten ulttyq quramanyń bas bapkeri Mádiǵalı Qarsybekov te pikir bildirip, óz oıymen bólisken.
«Aralas estafetanyń Olımpıada baǵdarlamasyna engeni qýantady. ıAǵnı, sportshylarymyzdyń taǵy bir júlde alatyn múmkindigi týyp tur. Álem kýboginiń bıylǵy kezeńderinen bastap short-trekshiler 2000 metrge aralas estafeta arqyly jarysady. Bul synǵa bizdiń short-trekshiler tez boı úıretedi dep oılaımyn. Erler arasynan kez kelgen sportshymyzdy qosa alamyz, al qyzdardan Anastasııa Krestova men Kım Iong A qatysady», - deıdi bas bapker Qarsyǵalı Mádibekov.
Bul kúnderi short-trekten Qazaqstan ulttyq quramasy Reseı astanasy Máskeýde jattyǵý jıyndaryn ótkizip jatyr. 6 tamyzda quramanyń Italııadaǵy jıyndary bastalady.
Mádiǵalı Qarsybekovtiń aıtýynsha, short-trekshiler úshin bıylǵy maýsym 2 qarasha kúni Kanadanyń Kalgarı qalasynda bastalady. Munda Álem Kýboginiń alǵashqy kezeńi ótedi. Sodan soń, ulttyq qurama Álem Kýboginiń ekinshi kezeńine qatysý úshin AQSh-tyń Solt-Leık-Sıtı qalasyna attanbaq.
Foto: sport.bigmir.net
