Short-trekten Almatyda ótetin álem kýbogi kezeńderine Qazaqstannan kimder qatysady
ASTANA. QazAqparat – Almaty qalasynda 9-11 jáne 16-18 jeltoqsan kúnderi short-trekten álem kýboginiń ІІІ jáne IV kezeńderi ótedi, dep habarlaıdy QazAqparat tilshisi.
Skating.kz saıtynan alynǵan málimetke qaraǵanda, Halyqaralyq konkıshiler odaǵy (ISU) ókilderiniń bıylǵy shilde aıynda jasaǵan ınspektsııalyq saparynyń nátıjesi boıynsha Qazaqstan Ulttyq konkıshiler federatsııasy álem kýboginiń qos birdeı kezeńin ótkizýge múmkindik aldy.
Bul eki jarysqa álemniń 30 elinen 250-deı shorttrekshi qatysady.
Almatydaǵy «Halyq Arena» muz saraıynda ótetin aıtýly dodada Olımpıada jáne Azııa oıyndarynyń, álem chempıonaty men kýboginiń jeńimpazdar-júldegerleri baq synaıdy.
Qazaqstannan myna sportshylar qatysady:
Erler: Abzal Ájiǵalıev, Ádil Ǵalıahmetov, Denıs Nıkısha, Nurtilek Qajyǵalı, Erkebulan Shamuhanov, Sanjar Janısov.
Áıelder: Olga Tıhonova, ıAna Han, Mádına Janbosynova, Anastasııa Astrahantseva, Alına Ájiǵalıeva, Alena Volkovıtskaıa.
Almaty týrnırlerinen keıin shorttrekshiler Drezdenge (Germanııa) attanady. Álem kýboginiń qorytyndy, sheshýshi kezeńi Dordreht (Nıderland) qalasynda ótedi.
Eske sala keteıik, budan buryn short-trekten álem kýbogi kezeńinde Qazaqstannyń kúmis júldeger atanǵanyn jazǵan bolatynbyz.
Sondaı-aq Abzal Ájiǵalıev álem kýbogi kezeńiniń kúmis júldegeri atandy.
Short-trekten álem kýbogi kezeńinde Qazaqstan taǵy eki medal aldy.
Foto: olympic.kz
