Short-trekten Álem kýbogy kezeńinde «qola» buıyrdy

ASTANA. QazAqparat - Qazaqstandyq short-trekshi Anastasııa Krestova Seýlde ótip jatqan Álem kýbogynyń tórtinshi kezeńinde qola medal enshiledi, dep habarlaıdy QazAqparat Mádenıet jáne sport mınıstrligi Sport jáne dene shynyqtyrý isteri komıtetine silteme jasap.

«Anastasııa Krestova Álem kýbogynyń "V" fınalynda úshinshi oryn aldy.  Ol 1500 metrdi 2:37.255 ýaqytta júgirip ótti. Ekinshi orynda qytaılyq Ihan Gýo, onyń ýaqyty - 2:35.806. Ulybrıtanııalyq Elıza Krıstı 2:35:781 ýaqytymen birinshi orynnan kórindi», - delingen taratylǵan habarlamada.

Aıta keteıik, short trekten Álem kýbogynyń IV kezeńi 19 qarashaǵa deıin jalǵasady. Lıtsenzııalyq jarystardan keıin sportshylardyń Olımpıada oıyndaryna joldama alý múmkindigi bar. Reıtıng Álem kýbogynyń tórt kezeńi boıynsha jasalady.  Olımpıada oıyndaryna lıtsenzııa alý úshin sportshy top-36 (1500 m. erler men áıelder), top-32 (500 jáne 1000 m) reıtıngine enýi kerek. Estafetaǵa 8 komanda qatysa alady.