Short-trekten álem kýbogy: Anastasııa Krestova fınalǵa ótti
ASTANA. QazAqparat - Almatyda short-trekten álem kýboginiń úshinshi kezeńi jalǵasýda. Qazaqstandyq sportshylar irikteý syndaryn sátti bastap, jartylaı fınaldyq básekelerden súrinbeı keledi. Atap aıtar bolsaq, Anastasııa Krestova búgin fınalǵa ótti, dep jazady Olympic.kz.
2018 jylǵy qysqy Olımpıada oıyndarynyń qatysýshysy 1500 metrge jarysýdan fınalǵa joldama aldy.
Birneshe aınalym boıyna birinshi orynda kele jatqan Krestova márege jaqyndar tusta sál bosańsyp, qarsylasyn alǵa jiberip aldy. Degenmen, bizdiń sportshymyz máre syzyǵyn ekinshi bolyp kesti. Bul fınalǵa ótýge tolyq múmkindik beredi.
Fınaldyq báseke búgin, 8 jeltoqsan kúni 16:04-te ótedi.
