Short-trekten álem kýbogy: Abzal Ájiǵalıev 1000 metrlikte fınalǵa joldama aldy
ALMATY. QazAqparat - Short-trekten Qazaqstan quramasynyń kóshbasshysy Abzal Ájiǵalıev úshin Almatyda álem kýbogy kezeńi sátti bastaldy. Ol óziniń oń jambasyna keletin 500 metrde jáne 1000 metrlik jarysta joǵary nátıje kórsetti, dep habarlaıdy QazAqparat Olympic.kz-ke silteme jasap.
Keshe, 7 jeltoqsan kúni Ájiǵalıev 500 metrge jarysýda irikteý synynan súrinbeı ótip. óz tobynda birinshi oryn ıelengen bolatyn.
1000 metrde synǵa túsken sportshymyz irikteýden sátti ótip, kelesi aınalymǵa joldama aldy. Jartylaı fınalda ol alǵashqy eki orynǵa ilige almady. Dese de, vıdeoqaıtalaý arqyly keńesken bapkerler Abzaldy «A» fınalyna ótkizdi.
1000 metrde baq synaǵan taǵy bir sportshymyz Denıs Nıkısha úzdikter qatarynan kóringen joq.
Jartylaı fınaldyq jáne fınaldyq básekeler búgin ótedi.
