Short-trekten álem chempıonatynda 11 qazaqstandyq sportshy baq synaıdy
ASTANA. QazAqparat – Ońtústik Koreıa astanasy Seýlde short-trekten 10-12 naýryzda ótetin álem chempıonatynda 11 qazaqstandyq sportshy baq synaıdy, dep habarlaıdy QazAqparat tilshisi.
«Sportty damytý dırektsııasy» RMQK-nyń baspasóz qyzmetinen málim etkenindeı, dúnıejúzilik dodaǵa álemniń 34 elinen 180-ge jýyq shorttrekshi qatyspaqshy.
Qazaqstan namysyn myna sportshylar qorǵaıdy.
Erler – Abzal Ájiǵalıev, Denıs Nıkısha, Ádil Ǵalıahmetov, Nurtilek Qajyǵalı, Erkebulan Shamuhanov, Anton Hvan.
Áıelder – Olga Tıhonova, ıAna Han, Mádına Janbosynova, Alına Ájiǵalıeva, Málıka Ermek.
Qazaqstan quramasyn Nurbergen Jumaǵazıev bastaǵan mamandar baptaıdy.
Eske sala keteıik, budan buryn qazaqstandyq shorttrekshiniń «Azııa balalary» oıyndarynyń chempıony atanǵanyn jazǵan bolatynbyz.
