Short-trekten álem chempıonaty: Ádil Ǵalıahmetov V fınalynda top jardy
NUR-SULTAN. QazAqparat - Nıderlandtyń Dordreht qalasynda short-trekten álem chempıonatynyń ekinshi jarys kúni ótýde. Búgin qazaqstandyqtar V fınalynda synǵa tústi dep habarlaıdy Olympic.kz.
Denıs Nıkısha men Ádil Ǵalıahmetov 1500 metrge jarysýdan V fınalynda baq synap, Ǵalıahmetov márege birinshi bolyp keldi. Ol atalǵan qashyqtyqty 2 mınýt 25.703 sekýndta júgirip ótken. Al osy qashyqtyqta áıelder arasynda synǵa túsken Madına Janbosynova 16-shy, ıAnna Han 27-shi orynda.
Aıta ketelik, álem chempıonatynyń A fınalyndaǵy básekeler erteńge josparlanǵan.
