Short-trekten álem chempıonatynda Ádil Ǵalıahmetov jartylaı fınalǵa shyqty

ASTANA. KAZINFORM - Qytaı astanasy - Beıjiń qalasynda ótip jatqan short-trekten álem chempıonatynda erler arasynda 1500 metr qashyqtyqqa saıysta Ádil Ǵalıahmetov jartylaı fınalǵa joldama aldy.

Qazaqstandyq sportshy irikteý kezeńinde máre syzyǵyn ekinshi bolyp qıdy. Bul jartylaı fınalǵa shyǵýyna múmkindik berdi.

Al jarys barysynda úzdik úshtikten kóringen Gleb Ivchenko álem chempıonaty jubanysh kezeńinde baq synaýǵa múmkindik aldy. Sátti oıyn kórsetken jaǵdaıda ol 1/2 fınalǵa shyǵýyna múmkindigi bar.

QR Týrızm jáne sport mınıstrliginiń habaralýynsha, bıyl sportshylar 500, 1000 jáne 1500 metrge jekeleı qashyqtyqta jarysady. Sondaı-aq erler – 5000, áıelder – 3000 metrge estafetada júldelerdi sarapqa salady. Budan bólek aralas estafeta boıynsha da jarystar ótedi.

Álem chempıonatynda short-trekten Ádil men Glebten ózge el namysyn erlerden Abzal Ájiǵalıev, Denıs Nıkısha, Mersaıd Jaqsybaev, Gleb Ivchenko, áıelderde ıAna Han, Zeınep Qumarhan, Olga Tıhonova, Malıka Ermek jáne Alına Ájiǵalıeva qorǵaıdy.

Dúbirli doda 1976 jyldan beri uıymdastyrylyp keledi. Byltyr Nıderlandtyń Rotterdam qalasynda ótken álem chempıonatynda Denıs Nıkısha 500 metr qashyqtyqta kúmis júldeger atanyp, álem birinshiligi tarıhynda el qorjynyna alǵashqy júldeni salǵan edi.