Short-trekten ÁCh: Qazaqstan áıelder quramasy úzdik tórttikke taban tiredi

ASTANA. KAZINFORM — Beıjiń qalasynda short-trekten ótip jatqan álem chempıonatynda Qazaqstan áıelder quramasy júldege bir qadam jetpeı toqtady.

Qazaqstandyq qyzdar 3 myń metrlik estafetada A fınalynda Kanada, Polsha, Nıderland quramalarymen synǵa tústi. Munda kanadalyqtar jeńimpaz atansa, Polsha ekinshi, Nıderland úshinshi orynǵa ıe boldy.

Qazaqstan áıelder quramasynyń fınalǵa shyǵyp, úzdik tórttiktiń qataryna iligýin jaqsy nátıje deýge bolady. El namysyn ıAna Han, Olga Tıhonova, Málıka Ermek jáne Alına Ájiǵalıeva qorǵady.

Qazaqstan erler quramasy 5 myń metrlik estafetada fınalǵa shyǵa almady. Jartylaı fınalda qazaqstandyqtar Kanada, AQSh jáne Túrkııa komandalaryna jol berdi.

Eske sala keteıik, budan buryn short-trekten álem chempıonatynda Denıs Nıkıshanyń fınalǵa shyqqanyn jazǵan bolatynbyz.

Sondaı-aq shorttrekshi Denıs Nıkısha álem chempıonatynyń eki márte kúmis júldegeri atandy.

Short-trekten álem chempıonatynda Qazaqstan áıelder quramasy júlde úshin talasady.