Short-trekten ÁCh: Denıs Nıkısha tórtinshi orynǵa taban tiredi
ASTANA. QazAqparat – Qazaqstandyq Denıs Nıkısha short-trekten Ońtústik Koreıa astanasy Seýlde ótip jatqan álem chempıonatynda tórtinshi orynǵa ıe boldy, dep habarlaıdy QazAqparat tilshisi.
Denıs Nıkısha 500 metr qashyqtyqta A fınalynda óner kórsetti.
Sońgy básekede bes sportshy júlde úshin talasqa tústi.
Ókinishke qaraı, jarys barysynda Denıske qytaılyq sportshy kedergi jasady. Aqyry qytaılyq shorttrekshige penaltı berildi.
Alǵashqy úsh oryndy Italııa, Kanada, Nıderland sportshylary bólisti. D.Nıkısha tórtinshi orynǵa taban tiredi.
Denıs Nıkısha dál osy qashyqtyqta bıyl álem kýboginde úzdik atanǵan edi.
Eske sala keteıik, budan buryn short-trekten álem chempıonatynda 11 qazaqstandyq sportshynyń baq synaıtynyn jazǵan bolatynbyz.
Sondaı-aq Denıs Nıkısha short-trekten álem chempıonatynyń fınalyna shyqty.
