Short-trekshiler maýsymy: alǵashqy kezeńge Qazaqstannan kimder qatysady
ASTANA. QazAqparat – Erteń, 28 qazanda Kanadanyń Monreal qalasynda short-trekten Álem Kýboginiń alǵashqy kezeńi bastalady, dep habarlaıdy QazAqparat «Cportty damytý dırektsııasyna» silteme jasap.
Bıylǵy maýsymdaǵy birinshi jarys dańqty hokkeıshi Morıs Rıshar atyndaǵy arenada 30 qazanǵa deıin jalǵasady. Munda tek Qazaqstan erler quramasy synǵa túspek. Áıelder quramasy Solt-Leık-Sıtı qalasy qabyldaıtyn 2-kezeńge qatysady.
Ulttyq qurama tizimi: Nurtilek Qajyǵalı, Abzal Ájǵalıev, Ádil Ǵalıahmetov, Denıs Nıkısha.
Bas bapker – Nurbergen Jumaǵazıev.
Jarys qarsańynda konkıshilerdiń jańa sport kıimi de nazarǵa usynyldy.
Aıta keteıik, Monrealda osyǵan deıin 1987, 2002, 2014, 2018 ben 2021 jyly short-trekten Álem Kýboginiń kezeńi ótken. Bıyldan bastap barlyq 6 kezeńnen soń erler men áıelder arasyndaǵy jalpy eseptiń jeńimpazy «Gaýhar globýsqa» ıe bolady.
Álem Kýboginiń kelesi kezeńderi:
2-kezeń – Solt-Leık-Sıtı (AQSh), 4-6 qarasha;
3-kezeń – Almaty (Qazaqstan), 9-11 jeltoqsan;
4-kezeń – Almaty (Qazaqstan), 16-18 jeltoqsan;
5-kezeń – Drezden (Germanııa), 3-5 aqpan;
6-kezeń – Dordreht (Nıderland), 10-12 aqpan;
Jeltoqsanda araǵa 4 jyl salyp Álem Kýbogi kezeńi Almatyǵa qaıta oralady. Elimizde alǵash márte ótken 2018 jylǵy básekede (maýsymdaǵy 3-kezeń) Abzal Ájǵalıev 500 metrge jarysta qola júldeger atanǵan-dy.
Foto: kazsports.kz
