Short-trekshi Gleb Ivchenkoǵa páter kilti tabystaldy
RÝDNYI. KAZINFORM — Ulystyń uly merekesinde Rýdnyı qalasynyń ondaǵan turǵyny jańa páterdiń kiltin aldy.
Qala turǵyndary men qonaqtary Naýryz merekesin Ortalyq alańda keń kólemde atap ótti.
Qysqy Azııa oıyndarynda short-trekten tarıhı jeńiske jetip, Qazaqstan qorjynyna altyn medal salǵan ulttyq quramanyń basty oıynshylarynyń biri Gleb Ivchenko da jerlesteriniń merekelik sharasyna qatysty. Astanada jarysta júrgen sportshy LED ekran arqyly baılanysqa shyǵyp, tilek bildirdi. Sondaı-aq osy tusta chempıonnyń anasy Anna Ivchenkoǵa páter kilti saltanatty túrde tabystaldy.
— Rýdnyılyq sportshy osyndaı jetistikke jetkende, ony qoldap, marapattaý — bizdiń mindetimiz dep sanaımyn. Naýryz — jarqyn ári shynaıy meıirimdi merekemiz barshamyzǵa qutty bolsyn! Qala turǵyndarynyń bizdi jaqsy qabyldap, ár úıdiń paıdalanýǵa berilýine birge qýanatyny — keremet qasıet, biz úshin zor mártebe, — dedi QC HOLDING quryltaıshysy Nuralhan Kýlchıkov.
Gleb Ivchenkoǵa páter «Álıhan» turǵyn úı kesheninen berildi. Bul turǵyn úı kesheni Rýdnyıdyń eń jańa ári bolashaǵy zor aýdanynda ornalasqan. Úı qyzyl kirpishten salynǵan. Aýlasynda tolyq ınfraqurylym qarastyrylǵan: balalar alańy, abattandyrylǵan demalys aımaqtary, táýlik boıy júrgiziletin beınebaqylaý, avtoturaq jáne basqasy.
Bul kúni jańa páter kiltterin tek sportshy ǵana emes, baspana kezeginde turǵan taǵy 25 azamat aldy.
Aıta ketsek, Rýdnyı qalasynda jyl basynan beri alty kópqabatty úı salynyp, paıdalanýǵa berildi.
Buǵan deıin Rýdnyıda salmaǵy 6 kelige jýyq alyp sábı dúnıege kelgenin jazǵan edik.