Short-trek: Qazaqstan erler quramasy júldeli oryn úshin talasady
NUR-SULTAN. QazAqparat – Japonııanyń Nagoıa qalasynda short-trekten ótip jatqan álem kýbogy kezeńinde Qazaqstan erler quramasy júldeli oryndar úshin talasady, dep habarlaıdy QazAqparat tilshisi.
Qazaqstandyqtar 5 myń metrlik estafetada jartylaı fınalda tabysty óner kórsetti.
Mádiǵalı Qarsybekovtiń shákirtteri márege úshinshi kelgenimen, kanadalyqtar penaltı alyp qalǵannan keıin Qytaı quramasymen birge A fınalyna joldama aldy.
Ekinshi jartylaı fınalda A fınalyna Reseı men Koreıa shorttrekshileri shyqty.
Osylaısha erteń Qytaı, Reseı, Koreıa jáne Qazaqstan quramalary júldeli oryndardy sarapqa salady.
Eske sala keteıik, budan buryn ulttyq quramanyń Japonııada jaqsy nátıjege qol jetkizgisi keletinin jazǵan bolatynbyz.
