Short-trek: Denıs Nıkısha álem chempıonatynda besinshi orynǵa ıe boldy
ASTANA. QazAqparat - Qazaqstandyq Denıs Nıkısha Kanadanyń Monreal qalasynda short-trekten ótip jatqan álem chempıonatynda besinshi orynǵa ıe boldy, dep habarlaıdy «QazAqparat» tilshisi.
Denıs Nıkısha 1500 metr qashyqtyqta sátti óner kórsetip, medaldar sarapqa salynatyn A fınalyna joldama aldy. Sońǵy básekede barlyǵy alty shorttrekshi synǵa tússe, sonyń tórteýi Olımpıada chempıony, taǵy bireýi júldegeri edi. Kil myqtylarmen jarys jolyna shyqqan D.Nıkısha máre syzyǵyn besinshi bolyp qıdy. Bul qazaqstandyq shorttrekshi úshin úlken tabys deýge bolady.
Bul qashyqtyqta úsh márte Olımpıada jeńimpazy, ataqty kanadalyq Sharl Amlen jeńis tuǵyryna kóterilip, altynnan alqa taqty.
Eske sala keteıik, qazaqstandyq shorttrekshiler úshin Phenchhan Olımpıadasy onsha sátti bola qoımaǵan edi. Onda Qazaqstan erler quramasy 5 myń metrlik estafetalyq synda ǵana altynshy orynnan kóringen edi. Ókinishke qaraı, Kanadaǵy álem chempıonatyna erler quramasy estafetalyq jarysqa joldama ala alǵan joq.
