Short-trek: Abzal Ájiǵalıev álem kýbogynan qola medal jeńip aldy
NUR-SULTAN. QazAqparat - AQSh-tyń Solt-Leık-Sıtı qalasynda short trekten ótken álem kýbogynyń birinshi kezeńinde Abzal Ájiǵalıev qola medalǵa qol jetkizdi, dep habarlaıdy QazAqparat.
QR Ulttyq olımpıadalyq komıtetiniń habarlaýynsha, búgin Solt-Leık-Sıtıde (AQSh) short trekten álem kýbogynyń birinshi kezeńi óz máresine jetti.
Atalǵan kýbokte el namysyn qorǵaǵan Abzal Ájǵalıev 500 metr qashyqtyqty 39.881 sekýnd ýaqytta baǵyndyryp, jarystyń qola júldesin qanjyǵasyna baılady. Atalǵan qashyqtyqta bas júldeni qytaılyq Ý Datszın jeńip aldy. Al, ekinshi orynǵa majar sportshysy Shandorý Shaolınıý Lıý ıe boldy.
1000 metr qashyqtyqta el namysyn qorǵaǵan taǵy bir otandasymyz Erkebulan Shamuhanov jarysty 10-shy orynda kelse, Qazaqstan quramasynan taǵy bir sportshysy Mersaıd Jaqsybekov jarysty júldesiz aıaqtady.
