Short-trek: Abzal Ájiǵalıev álem kýbogy kezeńiniń qola júldegeri atandy
ALMATY. QazAqparat - Short-trekten Almatyda ótip jatqan álem kýbogy kezeńinde qazaqstandyqAbzal Ájiǵalıev 500 metr qashyqtyqta qola júldeger atandy, dep habarlaıdy QazAqparat tilshisi.
A fınalynda jarys jolyna bes sportshy shyqty.
Báseke barysynda ekinshi orynda kele jatqan Abzal eń sońǵy sátte ǵana kúmis medaldy ýysynan shyǵaryp aldy.
Osylaısha 500 metrlik qashyqtyqta Olımpıada chempıony,kanadalyq Samýel Jırar jeńimpaz atandy. Abzaldan konkıi ǵana ozǵan taǵy bir ataqty sportshy, vengrııalyq Shaoang Lıý ekinshi orynǵa kóterildi.
V fınalynda eki-aq sportshy júgirdi. Qorytyndysynda Denıs Nıkısha jetinshi orynǵa turaqtady.
Batys Qazaqstanda týyp-ósip, qazir Astana atynan shyǵyp júrgen Abzal Ájiǵalıev budan buryn Kalgarı qalasynda ótken álem kýbogynyń alǵashqy kezeńinde dál osy qashyqtyqta kúmis júldege qol jetkizgen edi.
Eske sala keteıik, budan buryn qos qazaqstandyq sportshynyń 500 metr qashyqtyqta fınalǵa ótkenin jazǵan bolatynbyz.
