Shopandar zııandy jaǵdaıda eńbek etetin jumysshylar tizimine enedi
ASTANA. KAZINFORM – Baqtashylar men shopandar zııandy eńbek jaǵdaılarynda qyzmetin júzege asyratyn tulǵalar tizbesine engizilmek. Bul týraly Májilis depýtattarynyń saýalyna Premer-mınıstrdiń orynbasary – Ulttyq ekonmıka mınıstri Serik Jumanǵarınniń jaýabynda aıtylǵan.
- Agrarlyq sektordyń tartymdylyǵyn arttyrý jáne eńbek ónimdiligin ósirý maqsatynda júıeli sharalar kesheni iske asyrylyp jatyr. Osy jyldyń basynda Mal sharýashylyǵyn damytýdyń 2026 – 2030 jyldarǵa arnalǵan keshendi jospary bekitildi. Atalǵan josparda sala qyzmetkerlerin áleýmettik qorǵaý deńgeıin arttyrý boıynsha sharalar qarastyrylǵan, - dedi vıtse-premer.
Ony málimetinshe, jumys oryndaryn sýbsıdııalaý mehanızmin baqtashylar men shopandarǵa qoldaný, keıinnen tıisti normatıvtik quqyqtyq aktilerge ózgerister engizý máselesi pysyqtalyp jatyr. Sonymen qatar kóshpeli mal sharýashylyǵynda jumys isteıtin atalǵan qyzmetkerler sanattaryn zııandy eńbek jaǵdaılarynda qyzmetin júzege asyratyn tulǵalar tizbesine qosý múmkindigi qarastyrylyp jatyr.
- Osylaısha mal sharýashylyǵy qyzmetkerlerin áleýmettik qoldaýdy kúsheıtý jáne eńbegin yntalandyrý boıynsha sharalar praktıkalyq iske asyrý satysynda tur, - dedi Serik Jumanǵarın.
Buǵan deıin shopandardyń balalaryn áskerge shaqyrtýdy keıingi qaldyrý usynysy jasalǵanyn jazǵan edik.
