Shóp jabyndysy maýsymy: Rybakına qaı týrnırlerge qatysady

ASTANA. KAZINFORM – Osy aptada úlken tennıste shóp jabyndysy maýsymy bastalady. Qazaqstannyń eń úzdik tennısshisi Elena Rybakına úsh týrnırge de qatysýdy josparlap otyr.

17-23 maýsym aralyǵynda Berlınde (Germanııa) WTA-500 týrnıri ótedi. Bul básekede Qazaqstannyń birinshi raketkasy 55 upaıdy qorǵaýy kerek. Byltyr Berlınniń shópti korttarynda Rybakına horvat sportshysy Donna Vekıchten (7:6, 3:6, 4:6) jeńilip, ekinshi raýndtan asa almaǵan bolatyn.

Budan keıin Rybakına Anglııanyń Istborn qalasynda 24-29 maýsym aralyǵynda ótetin WTA-500 týrnırinde baq synaıdy. Álemniń tórtinshi nómiri ótken jyly Istbornda oınamaǵandyqtan, bul týrnırde óz upaılaryn qorǵaýǵa mindetti emes.

Otandasymyz úshin basty týrnıri 1-14 shilde aralyǵynda Londonda (Ulybrıtanııa) ótetin Ýımbldon ekeni anyq. Osy maýsymdaǵy úshinshi «Úlken dýlyǵa» týrnırinde Rybakına 430 upaıdy qorǵaýy kerek. Ótken jyly British Slam týrnırinde Elena shırek fınalda Ons Djabeýrden (Týnıs) 7:6, 4:6, 1:6 esebimen jeńilip qalǵan edi.

Esterińizge salsaq, buǵan deıin Elena Rybakına álemdik reıtıngide óz ornyn saqtap qalǵanyn jazǵan edik.