Shomylý mezgili ashylýynyń aldynda 4000-nan astam sý aıdyny túgendeldi
ASTANA. 18 maýsym. QazAqparat - Shomylý mezgili ashylýynyń aldynda 4000-nan astam sý aıdyny túgendeldi. Bul týraly Tótenshe jaǵdaılar mınıstrligi Tótenshe jaǵdaılardy joıý departamenti dırektorynyń orynbasary Alekseı Sovetov málim etti.
Onyń atap ótýinshe, mınıstrlik sý aıdyndarynda azamattardyń qaza bolýyna jol bermeý maqsatynda 58 sý qutqarý stansasynyń, 22 qutqarý beketiniń, 7 manevrleý-izdestirýshi toptary men 13 súńgýir apattyq qutqarý jasaǵynyń jeke quramyn joǵary daıyndyqqa keltirdi.
Shomylý mezgili ashylýynyń aldynda 4000-nan astam sý aıdyny túgendeldi, sýǵa shomylý jáne demalý aımaqtary úshin paıdalanylatyn sý túbin qaýipti zattardan tazartý boıynsha súńgýir jumystary júrgizildi, 535 shomylýǵa arnalǵan demalý aımaǵy anyqtaldy, 960 sý akvatorııasy naqty adamdarǵa bekitildi.
Jaz mezgilinde oblystyń sý aıdyndarynda qaýipsizdik sharalary boıynsha nusqaýlar júrgizildi, sý aıdyndary mańynda ornalasqan 200 balalar lageri erekshe baqylaýǵa alyndy.
Onyń sózine qaraǵanda, adamdardyń sý aıdyndarynda qaza bolýynyń negizgi sebepteri júze almaýshylyq, jeke qutqarý quraldarynyń bolmaýy jáne óz kúshin durys baǵalamaǵandyǵy, mas kúıde shomylý, sý aıdyny mańynda balalardy eresek adamdardyń qaraýynsyz qaldyrýy bolyp tabylady.
