Shomylý maýsymy bastalmastan 10 balanyń ajaly sýdan boldy
ASTANA. QazAqparat - Elimizde shomylý maýsymy bastalmastan 10 bala sýǵa ketip ajal qushty. Bul týraly búgin Úkimet úıindegi baspasóz máslıhatynda QR Іshki ister vıtse-mınıstri ıÝrıı Ilın aıtty, dep habarlaıdy QazAqparat.
«Ókinishke oraı, sýǵa túsý maýsymy endi bastalysymen sý qoımalarynda adamdardyń qaza tabýyn baıqap otyrmyz. Bul tek sýǵa shomylýǵa ǵana qatysty emes. Balyq aýlaý, adamdardyń abaısyzdyǵy men ata-analardyń balalaryn qaraýsyz qaldyrýyna baılanysty qaıǵyly jaıttar tirkelgen. Qazirgi ýaqytta elimizde 28 adam qaza tapsa, onyń 11-i bala. Ótken jyldyń dál osy kezeńimen salystyrar bolsaq, ol ýaqytta 44 adam, onyń ishinde 25 bala qaza tapqan edi», - dedi ol.
Onyń atap ótýinshe, elimizdiń sý qoımalarynda 1 myńnan astam adam táýlik boıy monıtorıng júrgizip, ata-analar arasynda túsindirý jumystaryn ótkizýde.
«Sońǵy respýblıkalyq ata-analar jınalysynda júris-turys erejelerin túsindirý úshin taqyryptyń brıfıng ótkizip, ata-analardyń nazaryn balalardy únemi tyńǵylyqty qadaǵalaý, olardy qaraýsyz qaldyrmaý qajettigine aýdardyq. 2-4 jastaǵy balalar qaraýsyz qalyp, tipti jeke úı ıelikteriniń aýmaǵynda qaza bolyp jatady», - dedi vıtse-mınıstr.
Vıtse-mınıstrdiń aıtýynsha, qutqarýshylar demalys jáne sýǵa túsý oryndaryn baqylaýdy kúsheıtýde. Degenmen, elimizdegi barlyq sý qoımalaryn qutqarýshylarmen qamtý múmkin emes.
«Árıne, sý qoımalarynyń barlyǵyn qamtı almaımyz jáne sýǵa túsýge shekteý de qoıa almaımyz. Sondyqtan sý qoımalarynda adamdardyń, eń aldymen balalardyń ólim-jitimine jol bermeý maqsatynda sýǵa shomylý maýsymy kezeńinde azamattardy barynsha saq bolýǵa shaqyramyz», - dedi ıÝrıı Ilın.
